سۉنگگی مکتوب

طالبلر نینگ کابلده‌گی قماقخانه‌لریدن بیریده توتقین گه آلینگن بیر قیز افغانستان ملی اسلامی جنبش حزبی نینگ رهبری مارشال عبدالرشید دوستم گه بیر مکتوب یوباریب، اونی طالبلرگه قرشی کوره‌ش گه چقیریگن. او دوستم جنابلریدن جامعه دن چیقاریلیب ، آوازلری اوچیریلگن خاتین-قیزلرنینگ آوازی بولیشنی ایسته‌گن. اوشبو مکتوب اوزبیک پیدیا کانالی گه یوباریلیب کیم لیگی یاشیرین قالگن بیراق مارشال عبدالرشید دوستم نینگ قیزی راحله دوستم بو مکتوب آته‌سی گه ییتیب کیلگنینی اوزبیک پیدیاگه تصدیق لگن دیر. بیز فارس تیلیده یازیلگن بو مکتوب نی اوزبیکچه ترجمه‌سینی یایین له‌یمیز: ..... سۉنگگی مکتوب… قه‌لتیره‌گن قۉللر بیلن یازیلگن ندا کابل زندانیدن بیر قیز نینگ مارشال عبدالرشید دۉستم گه فریادی اللّه نامی بیلن – عدالت و حقیقت اېگه‌سی السلام و علیکم، خلقیمیز نینگ قهرمانی، وطنیمیز نینگ غروری، بو توپراق نینگ صداقتلی فرزندی – مارشال عبدالرشید دۉستم جنابلری. حرمتلی مارشال جنابلری! بیلمه‌یمن، بو مکتوب قۉلینگیزگه یېتیب باره‌دیمی یۉقمی... بیلمه‌یمن، هلی هم کابل قارانغولیکلریده‌گی بیر قیز نینگ فریادینی اېشیته‌سیزمی یۉقمی... لېکن مېن، بیر عیال، بیر آپه-سینگیل، بیر قیز صفتیده، حاضرده کابلده‌گی طالبلر زندانیده توتقین ده من – و بو مکتوبنی کۉز یاشی و قانی بیلن، درد و ناله‌لر بیلن، قه‌لتیره‌گن قۉللر، لېکن امیدگه تۉله‌ یوره‌ک بیلن سیزگه – اۉز خلقیم نینگ قهرمانیگه یازماقده‌من. مارشال جنابلری! قیرق بیش ییل دیرکی اسمینگیز افغانستان نینگ تاغلری کبی مستحکم قلبلرگه بیتیلگن. قیرق بیش ییل دیر کی ، وطن دشمنلری سیز نینگ اسمینگیزدن تیتره‌شه‌دی. سیز اېدینگیز او کیشی – یاووز رېجه‌لرنی برباد قیلگن. سیز اېدینگیز او کیشی – طالبلر نینگ کۉزیده‌گی حاکمیت آرزوسینی سۉندیرگن. اما بوگون… بوگون بو خلق نینگ، اینیقسه‌ عیاللر نینگ فریادی آسمانگه یېتگن. بوگون، بیز اېنگ عاجز قیزلر، سیز نینگ نامینگیزدن باشقه‌ سیگه امید قیلالمه‌یمیز. حرمتلی مارشال! عیاللریمیز طالبلر آیاقلری آستیده اېزیلیب یاتیبدی. زندانلر تۉله‌ – فقط آزادلیک ایسته‌گنی، انسان بۉلگنی، عیال بۉلگنی اوچون قییناققه سالینگن قیزلر نینگ ناله‌لری بیلن. هر بیر کۉچه‌ و بازارده، زۉرلیک نینگ صداسی، امیدلریمیز نینگ بۉغیلگن نداسی اېشیتیله‌دی. و شونده‌ی آغیر دَملرده هم، خلق هلی هم سیزنی اېسله‌یدی – "مارشال قه‌یېرده؟!" دېب سۉره‌شه‌دی. بیله‌من – سیزگه یۉلنی تۉسیشگن. بیله‌من – تورکيه، امریکا ، و بو سوداگر دنیا سیز نینگ یۉلینگیزده دېوار بۉلگن. لېکن سیز – دېوارلردن اۉتگن، تاغلرنی کېزگن یۉلباشچی اېدینگیز. سیزنی هېچ بیر دېوار توخته‌ته آلمه‌یدی! کېلینگ! کتّه‌ لشکر بیلن اېمس – بلکه‌ صادق اۉن عسکر بیلن، هر بیر ولایتده، هر بیر چۉقّیده – قۉزغه‌لان بیراغاینی کۉترینگ! پنجشیرده، بدخشانده، فاریابده، سرپلده، کابل تاغلریده... بیراقنی کۉترینگ، فریادنی اویغاتینگ! خلق یوره‌گی سیز بیلن بۉله‌دی! بیز، بو یورتده‌گی قیزلر، طالبلر نینگ قانلی تۉنلر آستیده، بیر اشاره‌ کوتماقده‌میز. اگر بوگون سکوت قیلسنگیز – اېرته‌گه بیز نینگ قبرلریمیز توپراغینی هم بیزدن تارتیب آلیشه‌دی! مارشال جنابلری! یورتیمیزنی آلیب قۉییشدی، اویلریمیزنی یاقیشدی، و اېندی نوبت ناموسیمیزگه یېتدی! اېرته‌گه کېچ بۉله‌دی. اېرته‌گه بیز بۉلمه‌یمیز. بوگون – آخرگی امکانیتدیر. فریادیمیزگه جواب بېرینگ! کۉز یاشی، قانی، و صداقت بیلن – سیز نینگ غرورینگیزگه ایشانیب... کابل ظلمتیدن – بیر اسیر قیز، هلی هم امید اېشیگیگه تېرمولیب، شونده‌ی دېیدی: "مارشال، کېلینگ! تورینگ!" اگر تیریک قالسه‌م – اللّه مېنی سیز بیلن یوزمه-یوز قیلسه، ایاغینگیزگه باش اېگیب، جانیم نی حققه تاپشیرسم دیمن....