اۉغیرلنگن کېله‌جک: افغانستانده قیزلر نینگ 5 ییللیک تعلیمدن محروملیگی

طالبلر گروهی 2021-ییل 15-اگوستده افغانستانده حاکمیتنی اېگه‌لگنیدن بېری قیزلر اوچون تعلیم اېشیکلری دېیرلی یاپیق قالماقده. اینیقسه‌، 6-صنفدن یوقاری بۉلگن قیزلر نینگ مکتبگه باریشی تعقیقلنگن.آلدین هر ییلی خمل آیی نینگ ایکّینچی کونی «تعلیم کونی» صفتیده نشانلنر اېدی. بوگون اېسه بو سنه‌ مینگلب اېمس، میلیونلب قیزلر اوچون ارمان و یۉقاتیلگن امکانیت رمزیگه ایلنگن.تعلیمدن محروم بۉلگن قیزلر دېپرېسیون، امیدسیزلیک، مجبوري نکاح و عایلوي زۉرآورلیک خوفی آستیده قالماقده. اولر نینگ کۉپچیلیگی جمعیتدن اوزیلیب، کېله‌جک آرزولریدن واز کېچیشگه مجبور بۉلماقده. بیر اۉقووچی شونده‌ی دېیدی:.هر کونی مکتبلر آچیله‌دی دېگن امید بیلن یشه‌دیم. اما اېندی امیدیم قالمه‌دی. حیاتیم فقط اوی ایشلری بیلن اۉتماقده.»ینه‌ بیر قیز اېسه شونده‌ی دېیدی:.مېن شفاکار بۉلیشنی آرزو قیلردیم. اېندی اېسه فقط 6-صنفنی توگه‌تگنمن خلاص.»فعاللر و سیاستچیلر بو وضعیتنی کېسکین تنقید قیلماقده. جمله‌دن، فوزیه کوفی بو حالتنی «بوتون بیر اولاد نینگ اۉغیرلنیشی» دېب اته‌دی.خلق‌ارا تشکیلاتلر، جمله‌دن یونیسف و یو‌ان‌اچ‌سی‌آر هم افغانستانده تعلیم انقراضی چقورلشه‌یاتگنیدن آگاهلنتیرماقده. معلوماتلرگه کۉره‌، 2026-ییل باشیگه کېلیب 2،2 میلیوندن آرتیق قیز تعلیمدن چېتده قالگن.بوگونگی کونده‌ افغانستانده قیزلر 1600 کوندن آرتیق وقت دوامیده‌ مکتبدن اوزاقده قالماقده. بو اېسه نه‌فقط اولر نینگ، بلکه‌ بوتون مملکت نینگ کېله‌جگیگه جدّي تهدید سالماقده. یازووچی محمدفهیم عظیمی