سمنگان بیلیم یورتی لوحه‌سیده اۉزبېکچه متن قَیته تیکلندی

یقینده سمنگان بیلیم یورتی بناسیده‌گی اوّلگی لوحه‌ آلیب تشلنیب، ینگی لوحه‌ پشتو، دري و انگلیس تیللریده، اما اۉزبېکچه متنسیز اۉرنه‌تیلگندی. اوشبو حالت افغانستان تورکلری، ضیالیلر و مدنی فعاللری تامانیدن کېسکین ناراضیلیک بیلن قرشی آلیندی.مدنیت اربابلری و اجتماعي فعاللر بو ایشنی ملي کمسیتیش و اتنیک طرف‌کشلیک صفتیده بهالب، حکومتنی تنقید قیلدیلر همده‌ «سمنگان بیلیم یورتی» نامی نینگ اۉزبېک تیلیده قَیته یازیلیشینی طلب اېتدیلر.سمنگان بیلیم یورتی مسووللری اۉزبېک تیلی نینگ لوحه‌دن آلیب تشلنیشینی عالي تعلیم وزیرلیگی نینگ بویروغی بولگنینی بیلدیرگن ایدیلر.ناراضیلیکلر کوچه‌یگنیدن سۉنگ، اۉزبېکستان تشقی ایشلر وزیرلیگی هم مذکور حالتنی قاره‌لب، طالبلر حکومتینی افغانستانده اۉزبېک تیلیگه نسبتاً چېکلاولرنی توخته‌تیشگه چقیردی.کېنگ جماعتچیلیک باسیمی و خلق‌ارا مناسبتلردن سۉنگ، بوگون سمنگان بیلیم یورتی نینگ ینگی لوحه‌سی پشتو، دري، اۉزبېکچه و انگلیس تیللریده قَیته اۉرنه‌تیلدی.شو بیلن بیرگه‌، تأکیدلنیشیچه، طالبلر تامانیدن تورکي تیللرگه، جمله‌دن اۉزبېک تیلیگه قۉییله‌یاتگن کېنگ کۉلملی چېکلاولر بو تیللر نینگ رواجی و رونقیگه جدّي تۉسقینلیک قیلماقده. اوّل هم اَیریم عالي تعلیم مؤسسه‌لریده اۉزبېکچه یازوولر آلیب تشلنیب، کېسکین تنقیدلردن سۉنگ قَیته تیکلنگن اېدی. یازووچی: نوراحمد یورتداش