یوناما: قندهارده‌گی طالبلر و پاکستان کوچلری اۉرته‌سیده‌گی تۉقنه‌شوولرده 17 کیشی هلاک بۉلدی.

قندهارده‌گی طالبلر و پاکستان کوچلری اۉرته‌سیده‌گی تۉقنه‌شوولرده 17 کیشی هلاک بۉلدی، 346 کیشی یره‌لندی.بیرلشگن ملتلر تشکیلاتی نینگ افغانستانده‌گی وکالتخانه‌سی (یوناما) نینگ معلوم قیلیشیچه، قندهار ولایتی نینگ سپین بولدک تومنیده طالبلر جنگریلری بیلن پاکستان کوچلری اۉرته‌سیده یوز بېرگن تۉقنه‌شوولر نتیجه‌سیده 17 نفر تینچ اهالی هلاک بۉلگن، 346 کیشی اېسه جراحت آلگن.یوناما نینگ 16-اکتوبر کونی اعلان قیلگن بیاناتیده بو تۉقنه‌شوولر قندهاردن تشقری کنر، پکتا، هلمند و پکتیکا ولایتلریده هم دوام اېتگنی، بو یېرده 1 کیشی هلاک بۉلگنی و 16 کیشی یره‌لنگنینی بیلدیردی.بیراق یوناما کابلده‌ی هوا هجومیده قنچه کیشی قربان بولگنی حقیده هیچ نرسه دیمه‌گن. بیراق کابل ایمرجنسی کسلخانه‌سی بو هجوم دن سونگ ۴۰ یره‌دار کیشی بو کسلخانه گه آلیب کیلینگنی و بولردن ۵ته سی اولگنینی بیلدیرگن دیر. یازووجی: محمد فهیم عظیمی. ترجمه: بایقرا