دنیا
بگرام؛ طالبلر ترامپ سیاستیگه قرشی چیقه آله‌می
دونالد ترامپ نینگ بگرام حربي پایگاهینی قَیتریب آلیش حقیده‌گی آگاهلنتیریشی افغانستان سیاسي میدانینی کېسکین بې‌قرارلشتیردی
دونالد ترامپ نینگ بگرام حربي پایگاهینی قَیتریب آلیش حقیده‌گی آگاهلنتیریشی افغانستان سیاسي میدانینی کېسکین بې‌قرارلشتیردی. طالبلر نینگ پوزیسیونی تاباره روشنلشماقده؛ اولر واشینگتن بیلن معامله قیلیشگه تیارلیک بیلدیره‌دیلر، اما بو پایگاه نی تاپشیریش حسابیگه اېمس. بونگه قره‌مه-قرشی طرزده، طالبلرگه قرشی مخالف کوچلر ایکّیلنیب قالگن، ترقاق و ایشانچسیز کۉرینماقده همده اوچته چیگل معما بیلن یوزلشماقده.
بیرینچی: حربي اره‌لشوو
اگر امریکا بگرامنی کوچ ایشله‌تیب قَیتریب آلسه، طالبلر مخالفلری اوچون سیاسي میدان تاره‌یه‌دی بونده‌ی اره‌لشوونی تصدیقلش افغانستان حدودي یخلیتلیگی نینگ بوزیلیشینی آقلش بۉله‌دی — بو اېسه سیاسي جهتدن قبول قیلیب بۉلمه‌یدیگن حالت. اما سکوت یاکه بې‌طرفلیک ینه‌ده خوفلیراق: بو طالبلرنی «وطن حمایه‌چیسی» صفتیده کۉرسته‌دی. بونده‌ی روایت مخالفلرنی ینه‌ده کۉپراق یکّه و آبروسیز قالدیریشی ممکن.
ایکینچی: مذاکره‌لر آرقه‌لی قَیتریش
اگر بگرام امریکا–طالبلر مذاکره‌لری آرقه‌لی قَیتریلسه، اېنگ کتّه خوف طالبلر رژیمینی بالواسطه تن آلیشدیر بو حالت مخالفلرنی ابدي چېتگه سوریشی ممکن اما بو سناریو نایاب امکانیتنی هم اۉزیده یشیره‌دی: اگر طالبلر بگرامنی اختیاري روشده امریکا گه تاپشیرسه، اولر نینگ «اشغالگه قرشی جهاد» حقیده‌گی قدیمي روایتی جدّي روشده ضعیفلشه‌دی مخالف گروهلر ستراتېژیک اخبارات واسطه‌لری و منطقوي دولتلر نینگ یاردمی آرقه‌لی بو ضدیتنی آچیب بېریب، طالبلر نینگ مفکوروي منطقینی شبهه آستیگه قۉییشلری ممکن.
ا.چینچی: امریکا گه بۉلگن ایشانچسیزلیک انقراضی
هر ایکّی سناریوده هم چقورراق معما موجود: طالبلر مخالفلری نینگ امریکا گا نسبتاً کوچلی ایشانچسیزلیگی. ییگیرمه ییللیک اوروش، دوحه کېلیشووی، ناتینچ چیقیش و قره‌مه-قرشی تشقی سیاستدن سۉنگ، عطامحمد نور، رنگین دادفر سپنتا و حنیف اتمر سینگری تجربه‌لی سیاستچیلر آچیقچه‌سیگه امریکا نی تنقید قیلماقده. اولر اوچون امریکا نینگ بگرامگه قَیتیشی برقرارلیک اېمس، بلکه انقراضنی کوچه‌یتیریش دېمکدیر. اولر نینگ افضل کۉرگن یۉلی — دایمي خلق‌ارا باسیم: چېکلاولر، سیاحت تعقیقلری، مالیوي چېکلاولر و طالبلرنی چیتلنتیریش آرقه‌لی هرتمانلمه حکومتگه مجبورلشدیر. بعضیلری قوراللی قرشیلیکنی قۉللب-قوّتله‌یدی، اما ایچکی کېلیشماوچیلیکلر بو یۉلنی هم ایشانچسیز قیلیب قۉیگن.
ترامپ نینگ بې‌فرقلیگی
آق اویگه قَیتگنیدن بېری دونالد ترامپ بیر مرته هم طالبلرگه قرشی کوچلرنی تیلگه آلمه‌دی بو اېسه اولر نینگ واشینگتن کۉز اۉنگیده آبروسیزلیگی نینگ انیق بېلگیسی. جو بایدن بعضیده افغانستان نینگ توزیلمه‌وي و تاریخي معمالرینی تیلگه آلگن بۉلسه، ترامپ اوچون بو مسأله‌لر مهم اېمس او اوچون مهم‌راغی — برقرارلیک یاکه هېچ بۉلمه‌گنده برقرارلیک کۉرینیشی. بو اېسه طالبلر مخالفلرینی ایکّی تامانلمه باسیم آستیده قالدیره‌دی: بیر تاماندن امریکا نیتلریگه ایشانچسیزلیک، ایکّینچی تاماندن واشینگتن سیاستیده تأثیر و تن آلینمسلیک.بگرام مسأله‌سی طالبلر مخالفلری نینگ ضعیف حالتینی آچیب قۉیدی بیر تامانده طالبلر ملتچیلیک و خلق‌ارا همکارلیک اۉرته‌سیده منېور قیلماقده؛ باشقه تامانده اېسه امریکا مخالفلرگه بې‌فرق کۉرینه‌دی. مخالف کوچلر بیرلشیب، ایزچیل استراتیژي ایشلب چیقیب و منطقوي همکارلیکدن فایده‌لنمه‌گونچه، افغانستان نینگ ینگی سیاسي ترتیبیده اولر دایمي روشده چېتگه سوریلگن بۉلیب قاله‌دیلر. گزارش محمدفهیم عظیمی
جمعیت بحثی
هنوز ایزاح یوُق
بیرینچی بؤلیب فکرینگیزنی یازینگ.