تجارت
افغانستان شِمالیده فایبر انترنېت اوزیلدی؛ طالبلر شمالي ولایتلر یشاوچیلری اوستیدن باسیمنی کوچه‌یتیردی
بلخده‌گی محلي منبعلر تصدیقلشیچه، طالبلر دوشنبه کونی، 24 سپتمبرده، اوشبو ولایتده فایبر انترنېت خدمتلرینی تۉلیق اوزیب قۉیگن
بلخده‌گی محلي منبعلر تصدیقلشیچه، طالبلر دوشنبه کونی، 14 سپتمبرده، اوشبو ولایتده فایبر انترنېت خدمتلرینی تۉلیق اوزیب قۉیگن بو ایش تۉغریدن-تۉغری طالبلر رهبری نینگ بویروغی بیلن عملگه آشیریلگن بۉلیب، اهالی و خدمت کۉرسه‌تووچی اداره‌لر آره‌سیده کېنگ تشویش اویغاتگن.
.آلتی نفر وزیر قنده‌هارگه یۉل آله‌دی
ایشانچلی منبعلرگه کۉره، طالبلر حکومتی نینگ آلتی نفر وزیری یقینده قنده‌هارگه باریب، «افغان تېلېکام » و فایبر انترنېت خدمتلری نینگ اوزیلیشی عاقبتیده یوزه‌گه کېلگن سلبي تأثیرلرنی طالبلر رهبریتیگه یېتکزه‌دی بو قرار طفیلی نه‌فقط دولت اداره‌لری، بلکه عادي اهالی هم انترنېتدن محروم بۉلیشدی.
.عاقبتلر: اساسي خدمتلر توخته‌دی
بلخده انترنېت نینگ اوزیلیشی پاسپورت و گمرک کبی مهم اداره‌لر فعالیتینی ایزدن چیقرگن، مینگلب اهالی ضرور خدمتلردن فایده‌لنه‌آلمی قیینچیلیککه دوچ کېلگن کۉپلب بلخ اهالیسی کونده‌لیک حیات و اقتصادي فعالیتلری هم بو قراردن بې‌واسطه ضرر کۉرگنینی اَیتماقده.
.طالبلر نینگ بیاناتی: منکرات نی آلدینی آلیش
طالبلر نینگ بلخده حاکمی سوزچیسی «ایکس» ترماغیده بو قرار تۉغریدن-تۉغری طالبلر رهبری نینگ بویروغی بیلن عملگه آشیریلگنینی تصدیقلب، مقصدنی «منکراتنی آلدینی آلیش» دېب اته‌دی. بیراق اجتماعي و مېدیا فعاللری فکریچه، طالبلر بو یۉل بیلن آدملر نینگ شخصي اېرکینلیکلری و معلوماتگه بۉلگن حقوقلرینی چېکله‌ماقده.
طالبلر نینگ ایکّی خیل مناسبتی
سۉز اېرکینلیگی فعاللری نینگ تأکیدلشیچه، طالبلر شمالي ولایتلرده باشقه حدودلرگه قره‌گنده کۉپراق چېکلاولر جاري قیلماقده. اولر نینگ ایتیشیچه، صوره‌تلر ترقه‌تیشگه تعقیق، امرباالمعروف نینگ باسیمی و اجتماعي همده مېدیا فعالیتلریگه قتّيق نظارت عیناً شِمالده کوچلی قۉللنماقده. جَنوبي و شرقي ولایتلرده اېسه بو چېکلاولر انچه ضعیفراق متخصصلر نینگ فکریچه، بو طالبلر نینگ مملکت ولایتلریگه نسبتاً ایکّی خیل سیاستینی کۉرستماقده.
چېکلاولر نینگ کېنگه‌ییشیدن خواطر
محلي منبعلر آگاهلنتیریشیچه، بلخده انترنېت نینگ اوزیلیشی احتمال یقین کونلرده باشقه شمالي ولایتلرگه هم یاییلیشی ممکن. عینِ پیتده افغانستان انترنېتگه کیریش و سۉز اېرکینلیگی بۉییچه دنیاده‌گی اېنگ چېکلنگن دولتلردن بیری حسابلنه‌دی شونده‌ی قرارلر اهالی اېرکینلیکلری و انسان حقلرینی یینه‌ده خوف آستیگه قۉیه‌دی
جمعیت بحثی
هنوز ایزاح یوُق
بیرینچی بؤلیب فکرینگیزنی یازینگ.