افغانستان ده جمهوریت تیزیمی نینگ سقوط عامللری اورگه‌نیلدی

افغانستان ده جمهوریت تیزیمی نینگ قوله‌شی گه حکومت اداره لریده‌گی فساد، ایشانچ سیزلیک و سیاسی ثبات یوقلیگی سبب بولگن دیر‌.افغانستان ده جمهوریت تیزیمی سقوطی نینگ اوچینچی ییل لیگی مناسبتی بیلن استانبولده یولگه قوییلگن کنفرانس ده مملکت نی خارجی کوچلر ترک ایتیشی بیلن حکومت تیزده قوله‌گنی نینگ سبب لری محاکمه قیلیندی. لاجورد یولی اره‌شتیرمه و تحقیقات مرکزی تمانیدن استانبول ده یولگه تشله‌نگن ییغین ده سیاسی و مدنی فعاللر بو موضوع نی محاکمه قیلیب، بو سقوط نینگ عامللرینی تیکشیریب چیقدیلر. حکومت قوله‌شی گه ایچکی عامللردن باشقه خارجی عامللر تاثیری هم کتته ایکنینی بیلدیرگنلر.اولر مملکت ده قانون توله تطبیق ایتیلمه‌سیگه دولت اداره لریده گی کینگ کولم لی اداری فساد، ایشانچ سیزلیک و مملکت نینگ سیستم و پالیسی لری خارجی لر آرقه‌لی چیزیلیشی سقوط نینگ اساسي عامللری حیثیده آت توتگن لر.عینی حالده لاجورد یولی تحقیقات مرکزی باشلیغی عالیه ایلماز بو علمی کنفرانس یولگه قوییلیشی دن مقصد حاضرگی قلتیس شرایطد دن چیقیش اوچون سیاسی، مدنی و اجتماعی ایشلر بیلرمان لرنینگ فکرلری توپله‌نیب، مملکت کیله‌جگی اوچون بیر یول خریطه‌سی چیزیش بولگنینی بیلدیرگن دیر. ایسله‌تیب اوتیش کیره‌ک کی افغانستان ده طالبلر حاکمیتی اوچ ییل نی تولدیردی. بیراق دنیا نینگ هیچ بیر مملکتیدطالبلر نی رسمیت گه تانیمه‌گن. عینی حالده افغانستان کیله‌جگینی کفالت لش اوچون بو اوتگن اوچ ییل ده تورلی مملکت لرده قطار ییغینلر یولگه قوییلگن بولسه هم بیراق ییغین افغانستان نی توغری بیر یول گه آلیب چیقیش و مملکت ده هرتمانلمه بیر حکومت نی تشکیل ایتیلیشی گه معقول بیر یول یوریق حواله بولمه‌گن دیر. یازووچی: معاذالله سلطان اوغلی